विशेष महाधिवेशन निर्वाचनतर्फ केन्द्रित: देउवा नेतृत्व छाड्न तयार नभएपछि सहमति टर्यो

काठमाडौँ । नेपाली कांग्रेसको विशेष महाधिवेशन अन्ततः निर्वाचन प्रक्रियातर्फ मोडिएको छ । संस्थापन पक्ष र विशेष महाधिवेशन पक्षबीच रातभर भएका विभिन्न चरणका वार्तामा सभापति शेरबहादुर देउवा नेतृत्व छाड्न तयार नभएपछि निर्वाचनमार्फत नै नयाँ नेतृत्व चयन गर्ने तयारी गरिएको हो ।

विशेष महाधिवेशन प्रचार-प्रसार उपसमिति संयोजक सुवास पोखरेलका अनुसार संस्थापन पक्षसँग वार्ताको ढोका खुला राखिए पनि निर्वाचनका कार्यक्रमहरूलाई निरन्तरता दिइएको छ । “हाम्रो निर्वाचन तालिका यथावत् छ,” पोखरेलले भने, “सहमति नभए निर्वाचन प्रक्रियामार्फत नै नीति र नेतृत्व परिवर्तनको दिशामा हामी अघि बढ्छौं।”

नेतृत्वमा अडान र प्रतिवेदन पारित मंगलबार साँझ विशेष महाधिवेशन स्थलमा आयोजित पत्रकार सम्मेलनमा पोखरेलले संस्थापन पक्ष विशेष महाधिवेशनको अपनत्व लिन तयार देखिए पनि सभापति देउवाले पद नछाड्ने अडान राखेको जानकारी दिए । महाधिवेशन पक्षधरहरूले देउवालाई सक्रिय राजनीतिबाट विश्राम लिई लेखन र चिन्तनमा लाग्न सुझाव दिएका छन् ।

यसैबीच, मंगलबार साँझ महामन्त्रीद्वय गगनकुमार थापा र विश्वप्रकाश शर्माको साङ्गठनिक प्रतिवेदन पारित भएसँगै बन्द सत्र समापन गरिएको छ। विशेष महाधिवेशनका नेताहरूले नयाँ पदाधिकारीको खाका तयार पार्ने कामलाई पनि तीव्रता दिएका छन्।

निर्वाचनको नयाँ तालिका वार्ताका लागि केही समय दिइएका कारण निर्वाचन समितिले मनोनयन दर्ताको समयमा केही फेरबदल गरेको छ। केन्द्रीय निर्वाचन समिति संयोजक वरिष्ठ अधिवक्ता सीताराम केसीका अनुसार बुधबार बिहान ८:१५ देखि ९:१५ बजेसम्मका लागि मनोनयन दर्ताको समय थप गरिएको छ। यदि यो समयभित्र सहमति नजुटे निर्वाचन प्रक्रिया औपचारिक रूपमा अघि बढ्नेछ।

छुट्ला नी !!

कांग्रेस विशेष महाधिवेशन: आज नयाँ नेतृत्व चयन हुने

कांग्रेस विशेष महाधिवेशन: गगन थापालाई सभापति बनाउने बन्दसत्रको ‘उद्घोष’, निर्वाचन तालिका अनुसार अघि बढ्ने तयारी

नेपाली कांग्रेस केन्द्रीय कार्यसमितिको बैठक आज बस्दै, संस्थापन इतर पक्ष असन्तुष्ट

कांग्रेस विशेष महाधिवेशन: महामन्त्रीद्वय गगन र विश्वप्रकाशको प्रतिवेदन पारित, ‘प्राइमरी निर्वाचन’ र ‘सांगठानिक शुद्धीकरण’को बाटो खुल्यो

कांग्रेस विशेष महाधिवेशनः मनोनयन दर्ता शुल्क तोकियो

कांग्रेस विवाद समाधानका लागि त्रिपक्षीय वार्ता: देउवालाई ब्रिफिङ गर्न सरकारी र इतर पक्ष महाराजगञ्जमा