कांग्रेस विशेष महाधिवेशन: गगन थापालाई सभापति बनाउने बन्दसत्रको ‘उद्घोष’, निर्वाचन तालिका अनुसार अघि बढ्ने तयारी

काठमाडौँ । नेपाली कांग्रेसको जारी विशेष महाधिवेशनको बन्दसत्रले महामन्त्री गगन थापालाई पार्टी सभापतिमा ‘बढुवा’ गर्ने (नेतृत्व सुम्पने) औपचारिक उद्घोष गरेको छ । बन्दसत्रका सभापति तारामान गुरुङले समापन सम्बोधनका क्रममा विशेष महाधिवेशनको मुख्य लक्ष्य नै नेतृत्व परिवर्तन रहेको खुलासा गरेका हुन् ।

बन्दसत्रका सभापतिको घोषणा:

सभापति गुरुङले आम कार्यकर्ता र शुभेच्छुकहरूको चाहना बमोजिम गगन थापालाई सभापति बनाउन इमानदारसाथ अघि बढ्ने बताए । उनले भने, “हाम्रो उद्देश्य र आम दाजुभाइको सरसल्लाह नै कांग्रेसको सभापतिमा गगन थापालाई अघि बढाउने हो । हामी कार्यतालिका अनुसार उम्मेदवारी दर्ता गरेर एक ढिक्का भई अगाडि बढ्नेछौँ ।”

भ्रम चिर्दै महामन्त्री थापा:

यसअघि बन्दसत्रलाई सम्बोधन गर्दै महामन्त्री गगनकुमार थापाले विशेष महाधिवेशनलाई बदनाम गर्न विभिन्न ‘हल्ला’ फैलाइएको भन्दै आक्रोश व्यक्त गरे ।

“बाहिर केही हुँदैन, जे निर्णय हुन्छ यही विशेष महाधिवेशनको हलबाट हुन्छ,” उनले भने, “कहिले टिकटको हल्ला चलाइएको छ, कहिले केको । हामीले नेतृत्व र नीति फेरौँ भनेका हौँ । हामी चुनाव लड्न र नलड्न दुवै अवस्थामा तयार छौँ, यसलाई हलुका ढङ्गले नलिनुहोस् ।”

महामन्त्री थापाले आफूहरूले ठूलो जोखिम उठाएर पार्टी सुधारको अभियान थालेको बताउँदै हलबाटै सबै विषयको छिनोफानो हुने स्पष्ट पारे । बन्दसत्रको यो घोषणासँगै अब कांग्रेसमा संस्थापन पक्ष र विशेष महाधिवेशन पक्षधरबीचको चुनावी प्रतिस्पर्धा थप रोचक हुने देखिएको छ ।

छुट्ला नी !!

कांग्रेस विशेष महाधिवेशन: आज नयाँ नेतृत्व चयन हुने

कांग्रेस विशेष महाधिवेशन: गगन थापालाई सभापति बनाउने बन्दसत्रको ‘उद्घोष’, निर्वाचन तालिका अनुसार अघि बढ्ने तयारी

नेपाली कांग्रेस केन्द्रीय कार्यसमितिको बैठक आज बस्दै, संस्थापन इतर पक्ष असन्तुष्ट

कांग्रेस विशेष महाधिवेशन: महामन्त्रीद्वय गगन र विश्वप्रकाशको प्रतिवेदन पारित, ‘प्राइमरी निर्वाचन’ र ‘सांगठानिक शुद्धीकरण’को बाटो खुल्यो

कांग्रेस विशेष महाधिवेशनः मनोनयन दर्ता शुल्क तोकियो

कांग्रेस विवाद समाधानका लागि त्रिपक्षीय वार्ता: देउवालाई ब्रिफिङ गर्न सरकारी र इतर पक्ष महाराजगञ्जमा