काठमाडौँ । नेपाली बजारमा बुधबार सुन र चाँदी दुवैको मूल्यमा वृद्धि भएको छ । नेपाल सुनचाँदी व्यवसायी महासंघका अनुसार आज सुनको मूल्य प्रतितोला एक हजार १०० रुपैयाँले बढेको हो ।
आजको बजार भाउ:
छापावाल सुन: प्रतितोला ३,०६,६०० रुपैयाँ (मंगलबार ३,०५,५०० रुपैयाँ थियो)।
चाँदी: प्रतितोला ५,२९० रुपैयाँ (मंगलबार ५,२४० रुपैयाँ थियो)।
महासंघका अनुसार मंगलबारको तुलनामा चाँदीको मूल्य पनि तोलामा ५० रुपैयाँले बढेको छ । अन्तर्राष्ट्रिय बजारमा हुने उतारचढावका कारण स्थानीय बजारमा पनि सुनचाँदीको मूल्यमा प्रभाव परेको व्यवसायीहरूले बताएका छन् ।
