काठमाडौँ । टक्सार पिखुवा खोला हाइड्रोपावर लिमिटेडले आयोजना प्रभावित स्थानीय र वैदेशिक रोजगारीमा रहेका नेपालीका लागि निष्कासन गरेको साधारण शेयर (आईपीओ) बाँडफाँड गरेको छ । कम्पनीले शुक्रबार (वैशाख ४ गते) दुवै समूहको शेयर बाँडफाँड सम्पन्न गरेको हो ।
कम्पनीले कुल जारी पूँजी १ अर्ब २० करोड रुपैयाँको १० प्रतिशत (१२ लाख कित्ता) शेयर स्थानीय बासिन्दाका लागि र ३ लाख ३ हजार ६७ कित्ता शेयर वैदेशिक रोजगारीमा रहेका नेपालीका लागि बिक्री खुला गरेको थियो ।
बाँडफाँडको विवरण:
स्थानीय बासिन्दा: १२ लाख कित्ता शेयरका लागि १ लाख २० हजार जनाले आवेदन दिएका थि ए।
वैदेशिक रोजगारी: ३ लाख ३ हजार ६७ कित्ता शेयरका लागि ३० हजार ३०६ जनाले आवेदन दिएका थिए ।
कम्पनीका अनुसार स्थानीयतर्फ फागुन २७ देखि चैत ११ सम्म र वैदेशिक रोजगारीतर्फ फागुन २७ देखि चैत १ गतेसम्म आवेदन संकलन गरिएको थियो ।
नतिजा र रकम फिर्ता:
आवेदकहरूले बाँडफाँडको नतिजा बिक्री प्रबन्धकको आधिकारिक वेबसाइटमार्फत हेर्न सक्नेछन् । यस्तै, शेयर नपरेका आवेदकहरूको पैसा भोलि (वैशाख ७ गते) देखि सम्बन्धित बैंक खातामै फिर्ता (Refund) गरिने कम्पनीले जनाएको छ ।
