काठमाडौँ । प्रभु महालक्ष्मी लाइफ इन्स्योरेन्स लिमिटेडले गत आर्थिक वर्ष २०८०/८१ को मुनाफाबाट शेयरधनीहरूलाई वितरण गर्ने लाभांश घोषणा गरेको छ ।
पुस २ गते बुधबार बसेको कम्पनीको सञ्चालक समितिको बैठकले हाल कायम चुक्ता पूँजीको कुल ८.४२१ प्रतिशत लाभांश प्रस्ताव गरेको हो।
लाभांशको विवरण:
बोनस शेयर: ४ प्रतिशत
नगद लाभांश: ४.४२१ प्रतिशत (कर सहित)
प्रस्तावित लाभांश नेपाल बीमा प्राधिकरणबाट स्वीकृत भई कम्पनीको आगामी वार्षिक साधारण सभाले पारित गरेपछि शेयरधनीहरूले प्राप्त गर्नेछन्।
यसअघि कम्पनीले अघिल्लो आर्थिक वर्ष २०७९/८० को मुनाफाबाट १० प्रतिशत बोनस शेयर र कर प्रयोजनका लागि ०.५२६ प्रतिशत नगद लाभांश वितरण गरेको थियो। अघिल्लो वर्षको तुलनामा यस वर्ष बोनस शेयरको दर घटाएर नगद लाभांशको मात्रा बढाइएको छ।
हाल कम्पनीको चुक्ता पूँजी ४ अर्ब २९ करोड ६० लाख रुपैयाँ रहेको छ। ४ प्रतिशत बोनस शेयर वितरणपछि कम्पनीको पूँजी थप वृद्धि हुनेछ।
