काठमाडौँ । याम्बालिङ्ग हाइड्रोपावर कम्पनी लिमिटेडले आज (वैशाख १६ गते) देखि सर्वसाधारणका लागि साधारण शेयर (आईपीओ) निष्काशन तथा बिक्री खुला गरेको छ ।
आयोजना प्रभावित स्थानीय र वैदेशिक रोजगारीमा रहेका नेपालीहरूका लागि पहिलो चरणमा शेयर बाँडफाँड गरिसकेपछि कम्पनीले दोस्रो चरणमा सर्वसाधारणका लागि बिक्री खुला गरेको हो।
शेयर विवरण र बाँडफाँड
कम्पनीले नेपाल धितोपत्र बोर्डबाट आफ्नो जारी पूँजी ७० करोड रुपैयाँको ४० प्रतिशत अर्थात् २८ करोड रुपैयाँ बराबरको २८ लाख कित्ता आईपीओ जारी गर्ने अनुमति पाएको थियो। जसको बाँडफाँड र आरक्षण यस प्रकार छ:-
आयोजना प्रभावित (स्थानीय): ७ लाख कित्ता (बाँडफाँड भइसकेको)
वैदेशिक रोजगारीमा रहेका नेपाली: २ लाख १० हजार कित्ता (बाँडफाँड भइसकेको)
सामूहिक लगानी कोष: १ लाख ५ हजार कित्ता
कर्मचारीहरू: ४२ हजार कित्ता (सुरक्षित)
सर्वसाधारणका लागि: १७ लाख ४३ हजार कित्ता
आवेदन सम्बन्धी जानकारी
सर्वसाधारणले प्रतिकित्ता १०० रुपैयाँ अंकित मूल्यका १७ लाख ४३ हजार कित्ताका लागि आवेदन दिन सक्नेछन्।
न्यूनतम आवेदन: १० कित्ता
अधिकतम आवेदन: २१,००० कित्ता
आवेदन दिने अन्तिम मिति: वैशाख २२ गते
बिक्री प्रबन्धक: मुक्तिनाथ क्यापिटल लिमिटेड
कसरी दिने आवेदन ?
इच्छुक लगानीकर्ताले नेपाल धितोपत्र बोर्डबाट अनुमति प्राप्त आस्बा (C-ASBA) सदस्य बैंक तथा वित्तीय संस्थाहरू र ‘मेरो शेयर’ (Mero Share) सफ्टवेयर वा एपमार्फत सहजै आवेदन दिन सक्नेछन् ।
