काठमाडौँ । हिमालयन रि-इन्स्योरेन्स लिमिटेडले चालु आर्थिक वर्षको दोस्रो त्रैमाससम्म वित्तीय सूचकहरूमा उत्साहजनक सुधार गरेको छ। कम्पनीको नाफा र व्यवसाय विस्तार (बीमाशुल्क आर्जन) दुवैमा वृद्धि देखिएको हो।
नाफा र बीमाशुल्कको अवस्था
चालु आवको पुस मसान्तसम्म कम्पनीले ६४ करोड ७४ लाख रुपैयाँ खुद नाफा आर्जन गरेको छ। यो गत वर्षको सोही अवधिको तुलनामा ४.९४ प्रतिशतले बढी हो। गत वर्ष कम्पनीले ६१ करोड ६९ लाख रुपैयाँ नाफा कमाएको थियो।
यस्तै, कम्पनीको खुद बीमाशुल्क आर्जनमा उल्लेख्य सुधार आएको छ। गत वर्ष २ अर्ब २९ करोड रुपैयाँ रहेको यस्तो आर्जन ४१.३१ प्रतिशतले बढेर ३ अर्ब ३४ करोड रुपैयाँ पुगेको छ। यसले बजारमा कम्पनीको पकड बलियो हुँदै गएको संकेत गर्छ।
आम्दानी र खर्चको सन्तुलन
कम्पनीको कुल आम्दानी ३ अर्ब ४ करोडबाट बढेर ३ अर्ब ७१ करोड रुपैयाँ पुगेको छ। व्यवसाय विस्तारसँगै दाबी भुक्तानी र खर्चमा पनि चाप देखिएको छ:
दाबी भुक्तानी: १ अर्ब १८ करोडबाट बढेर १ अर्ब ५२ करोड रुपैयाँ।
कुल खर्च: २ अर्ब २ करोडबाट बढेर २ अर्ब ६५ करोड रुपैयाँ।
जगेडा कोष र अन्य सूचक
कम्पनीको रिटेन्ड अर्निङ १ अर्ब १९ करोड रुपैयाँ पुगेको छ भने महाविपत्ति कोषमा २३ करोड ९७ लाख रुपैयाँ सञ्चित छ ।
प्रमुख वित्तीय सूचकहरू:
प्रतिसेयर आम्दानी (EPS)- ११.९२ रुपैयाँ
प्रतिसेयर नेटवर्थ-१५७.०२ रुपैयाँ
पीई रेसियो-७०.७४ गुणा
