मुम्बई । भारतीय संगीत जगत्की कोहिनूर तथा विश्वप्रसिद्ध गायिका आशा भोसलेको ९२ वर्षको उमेरमा निधन भएको छ । छातीमा संक्रमण देखिएपछि शनिबार साँझ मुम्बईस्थित ब्रीच क्यान्डी अस्पतालमा भर्ना भएकी भोसलेले आइतबार दिउँसो अन्तिम सास फेरेकी हुन् । उनका छोरा आनन्दले निधनको पुष्टि गरेका छन् ।
भोसलेको अन्तिम संस्कार सोमबार (१३ अप्रिल) मुम्बईको शिवाजी पार्कमा राजकीय सम्मानका साथ गरिने पारिवारिक स्रोतले जनाएको छ।
सात दशक लामो सांगीतिक साम्राज्य
८ सेप्टेम्बर १९३३ मा जन्मिएकी आशा भोसले केवल गायिका मात्र नभई एउटा सांगीतिक संस्था थिइन् । दिदी लता मंगेशकरको विशाल छहारीबाट बाहिर निस्केर उनले आफ्नै विशिष्ट शैली निर्माण गरिन् । शास्त्रीय संगीतदेखि ‘पिया तू अब तो आजा’ जस्ता चञ्चल गीत र ‘इन आँखों की मस्ती’ जस्ता गहिरो गजलसम्म उनको स्वर उत्तिकै जादुमयी थियो।
सन् २०११ मा विश्वमै सबैभन्दा धेरै गीत रेकर्ड गर्ने कलाकारका रूपमा उनको नाम ‘गिनीज बुक अफ वर्ल्ड रेकर्ड’ मा समेत सूचीकृत भएको थियो ।
नेपाली संगीतमा अमूल्य योगदान र सांस्कृतिक सेतु
आशा भोसलेले नेपाली संगीतको विकासमा पनि अविस्मरणीय योगदान दिएकी छिन् । नेपाली फिल्म र आधुनिक संगीतका थुप्रै गीतहरूमा उनको स्वर सजिएको छ ।
मिठास र मौलिकता: उनको स्वरको लचकता र भावनात्मक अभिव्यक्तिले नेपाली गीतहरूलाई अन्तर्राष्ट्रियस्तरको उचाइ प्रदान गरेको छ ।
सांस्कृतिक सम्बन्ध: भोसलेको नेपाली गायनले नेपाल र भारतबीचको सांगीतिक तथा सांस्कृतिक सम्बन्धलाई थप प्रगाढ बनाउन सेतुको काम गरेको थियो ।
२०औँ शताब्दीको उत्तरार्धमा नेपाली संगीत उद्योग विस्तार हुँदै गर्दा उनीजस्ता अन्तर्राष्ट्रिय व्यक्तित्वको सहभागिताले नेपाली संगीतलाई नयाँ दिशा दिएको थियो । उनका नेपाली गीतहरू आज पनि उत्तिकै लोकप्रिय छन् ।
दिदी लता मंगेशकरको निधनपछि भारतीय संगीतको विरासत थामिरहेकी आशाको बिदाइसँगै संगीतको एउटा स्वर्णिम अध्यायको अन्त्य भएको छ । उनको निधनमा विश्वभरका संगीतप्रेमी र कलाकारहरूले गहिरो दुःख व्यक्त गरेका छन् ।
आशा भोसलेका १० उत्कृष्ट नेपाली गीतहरु
साउने झरीमा
संगीत: रन्जीत गजमेर
शब्द: कुसुम गजमेर
माइतीघर (बसन्त नै बस्न खोज्छ यहाँ)
फिल्म: माइतीघर
संगीत: जयदेव
शब्द: किरण खरेल
मोहनी लाग्ला है
फिल्म: चिनो
सह–गायन: नारायण गोपाल
संगीत: रञ्जित गजमेर
शब्द: कुसुम गजमेर
पहाडको माथि माथि
फिल्म: लाहुरे
सह–गायन: नारायण गोपाल
संगीत: रञ्जित गजमेर
शब्द: कुसुम गजमेर, तुलसी घिमिरे
को होला मेरो मायालु
फिल्म: मायालु
संगीत: रञ्जित गजमेर
शब्द: कुसुम गजमेर
आज हाम्रो भेट भाको दिन
सह–गायन: उदित नारायण
संगीत: शिलाबहादुर मोक्तान
शब्द: चेतन कार्की
माया त माया हो
सह–गायन: नारायण गोपाल
संगीत: रञ्जित गजमेर
शब्द: कुसुम गजमेर
गैरी खेतको शिरै हान्यो
संगीत: शम्भजूजीत बासकोटा
शब्द: यादव खरेल
यति धेरै माया दियौ
सह–गायन: प्रकाश श्रेष्ठ
संगीत: मोहन हरि सिंह
शब्द: चेतन कार्की
टाढा भै नदेउ फेरि
फिल्म: मायालु
सह–गायन: प्रेमध्वज प्रधान
संगीत: रञ्जित गजमेर
