काठमाडौँ । टक्सार पिखुवा खोला हाइड्रोपावर लिमिटेडले आज (फागुन २७ गते) देखि आईपीओ निष्कासन गरेको छ। कम्पनीले पहिलो चरणमा आयोजना प्रभावित स्थानीय बासिन्दा र वैदेशिक रोजगारीमा रहेका नेपालीहरूका लागि बिक्री खुला गरेको हो ।
निष्कासन विवरण
कम्पनीले नेपाल धितोपत्र बोर्डबाट प्रतिकित्ता १०० रुपैयाँका दरले कुल ४२ लाख ३० हजार ६६८ कित्ता आईपीओ निष्कासन गर्ने अनुमति पाएको छ। हालको निष्कासन यस प्रकार छ:
स्थानीय बासिन्दा (भोजपुर जिल्ला): १२ लाख कित्ता
वैदेशिक रोजगारीमा रहेका नेपाली: ३ लाख ३ हजार ६७ कित्ता
सामूहिक लगानी कोष: १ लाख ५१ हजार ५३३ कित्ता (सुरक्षित)
कर्मचारीहरू: ६० हजार ६१३ कित्ता (सुरक्षित)
बाँकी कित्ता दोस्रो चरणमा सर्वसाधारणका लागि निष्कासन गरिनेछ।
आवेदन दिने सीमा र मिति
लगानीकर्ताले न्यूनतम १० कित्ता देखि अधिकतम ५० हजार कित्तासम्मका लागि आवेदन दिन सक्नेछन्।
| समूह | निष्कासन बन्द हुने मिति (छिटोमा) | निष्कासन बन्द हुने मिति (ढिलोमा) |
| वैदेशिक रोजगारी | चैत १ गते | चैत ११ गते |
| स्थानीय बासिन्दा | चैत ११ गते | चैत २६ गते |
कहाँबाट दिने आवेदन ?
स्थानीय बासिन्दा: आयोजना कार्यालय (भोजपुर), प्रभु बैंकका तोकिएका शाखाहरू (भोजपुर, प्याउली, हटुवागढी) र सिटिजन्स बैंकको भोजपुर शाखा।
वैदेशिक रोजगारीमा रहेका नेपाली: सि-आस्बा (C-ASBA) प्रणालीमार्फत अनुमति प्राप्त बैंक तथा वित्तीय संस्थाहरूबाट।
वित्तीय अवस्था र रेटिङ्ग
केयर रेटिङ्ग नेपालले कम्पनीलाई “केयरएनपी डबल बी प्लस (CareNP BB+)” रेटिङ्ग प्रदान गरेको छ। यसले कम्पनीको दायित्व वहन गर्ने क्षमतामा औसत जोखिम रहेको संकेत गर्छ। कम्पनीको धितोपत्र निष्कासन तथा बिक्री प्रबन्धक प्रभु क्यापिटल लिमिटेड रहेको छ ।
