काठमाडौँ । नेपाली बजारमा एकै दिन सुनको मूल्य तोलामा १० हजार ४०० रुपैयाँले बढेको छ । नेपाल सुनचाँदी व्यवसायी महासंघका अनुसार बुधबार सुनको मूल्य तोलामा दुई लाख ९५ हजार १०० रुपैयाँ पुगेको छ ।
यसअघि मंगलबार सुनको मूल्य तोलामा दुई लाख ८४ हजार ७०० रुपैयाँ कायम थियो । एकै दिन सुनको मूल्यमा भारी वृद्धि भएसँगै हालसम्मकै उच्च विन्दुमा पुगेको महासंघले जनाएको छ ।
महासंघका अनुसार बुधबार १० ग्राम सुनको मूल्य दुई लाख ५३ हजार रुपैयाँ तोकिएको छ । जुन अघिल्लो दिन २ लाख ४४ हजार ८५ रुपैयाँ थियो ।
यस्तै, चाँदीको मूल्य पनि बढेको छ । बुधबार चाँदी तोलामा ५ हजार ९२० रुपैयाँ कायम भएको छ । अघिल्लो दिन चाँदीको मूल्य तोलामा ५ हजार ८८० रुपैयाँ थियो ।
