प्रतितोला ३ लाख २८ हजार नाघ्यो, अन्तर्राष्ट्रिय बजारको प्रभाव
काठमाडौँ । नेपाली बजारमा सुनको मूल्यले पुनः बढ्न थालेको छ । नेपाल सुनचाँदी व्यवसायी महासंघका अनुसार मंगलबार सुनको मूल्य तोलामा २ हजार ५०० रुपैयाँले बढेर अहिलेसम्मकै महँगो भएको हो ।
स्थानीय बजारको मूल्य विवरण:
छापावाल सुन: सोमबार प्रतितोला ३ लाख २६ हजार १०० रुपैयाँमा कारोबार भएको सुन मंगलबार ३ लाख २८ हजार ६०० रुपैयाँ पुगेको छ।
चाँदी: सुनको मूल्य बढ्दा चाँदीको भाउमा भने गिरावट देखिएको छ। सोमबार ६ हजार २० रुपैयाँ रहेको चाँदी मंगलबार २०५ रुपैयाँले घटेर ५ हजार ८१५ रुपैयाँ कायम भएको छ।
अन्तर्राष्ट्रिय बजारको अवस्था
नेपालमा अन्तर्राष्ट्रिय बजारको दररेट अनुसार मूल्य निर्धारण हुने गर्दछ । मंगलबार अन्तर्राष्ट्रिय बजारमा सुन प्रतिऔंस ५ हजार ३६५.५ अमेरिकी डलरमा कारोबार भइरहेको छ। यस्तै, चाँदी प्रतिऔंस ८९.६९ अमेरिकी डलर कायम भएको छ ।
पछिल्लो समय विश्व अर्थतन्त्रमा देखिएको अस्थिरता र मध्यपूर्वको तनावका कारण सुरक्षित लगानीका रूपमा सुनतर्फ आकर्षण बढ्दा यसको मूल्यमा निरन्तर उछाल आइरहेको विश्लेषण गरिएको छ ।
नेपाली बजारमा सुनको मूल्यले ३ लाख ३० हजारको मनोवैज्ञानिक विन्दुलाई छुन लागेकाले गहना व्यवसायी र उपभोक्ता दुवै पर्ख र हेरको अवस्थामा रहेका छन् ।
