काठमाडौँ । नेपाली बजारमा बुधबार सुनको मूल्यमा उल्लेख्य गिरावट आएको छ । नेपाल सुनचाँदी व्यवसायी महासंघका अनुसार सुनको मूल्य तोलामा ११ हजार रुपैयाँले ओरालो लागेको हो ।
मंगलबार प्रतितोला ३ लाख २८ हजार ६०० रुपैयाँको उच्च विन्दुमा कारोबार भएको सुन आज घटेर ३ लाख १७ हजार ६०० रुपैयाँ कायम भएको छ । केही समयदेखि निरन्तर बढिरहेको सुनको मूल्यमा आएको यो गिरावटलाई लगानीकर्ता र उपभोक्ताले निकै चासोका साथ हेरेका छन् ।
त्यस्तै, आज चाँदीको मूल्यमा पनि गिरावट देखिएको छ । चाँदी तोलामा २७५ रुपैयाँले घटेर ५ हजार ५४० रुपैयाँमा कारोबार भइरहेको छ। मंगलबार चाँदी प्रतितोला ५ हजार ८१५ रुपैयाँमा किनबेच भएको थियो ।
आजको बजार भाउ एक नजरमा:
आजको बजार भाउ एक नजरमा:
| धातु | आजको मूल्य (प्रतितोला) | परिवर्तन (घटेको) |
| सुन (छापावाल) | रु. ३,१७,६०० | रु. ११,००० |
| चाँदी | रु. ५,५४० | रु. २७५ |
