काठमाडौँ । नेपाली बजारमा सुन र चाँदीको मूल्यले सोमबार ऐतिहासिक रेकर्ड कायम गरेको छ । नेपाल सुनचाँदी व्यवसायी महासंघका अनुसार पुस २८ गते सुनको मूल्य प्रतितोला ४ हजार १०० रुपैयाँ र चाँदीको मूल्य तोलामा २०५ रुपैयाँले बढेर नयाँ उचाइमा पुगेको हो ।
नेपाली सुनचाँदी बजारको इतिहासमा यो अहिलेसम्मकै उच्च मूल्य हो । यसअघि पुस १३ गते कायम भएको रेकर्डलाई ब्रेक गर्दै सुनको मूल्यले नयाँ कीर्तिमान रचेको महासंघले जनाएको छ ।
आजको बजार भाउ:
| विवरण | पुस २७ (आइतबार) | पुस २८ (सोमबार) | परिवर्तन (तोलामा) |
| सुन (प्रतितोला) | रु २,७०,६०० | रु २,७४,७०० | रु ४,१०० (वृद्धि) |
| चाँदी (प्रतितोला) | रु ४,९९० | रु ५,१९५ | रु २०५ (वृद्धि) |
चाँदीमा पनि नयाँ रेकर्ड
चाँदीको मूल्यमा पनि लगातार दोस्रो दिन रेकर्ड बनेको छ । आइतबार प्रतितोला ४ हजार ९९० रुपैयाँमा कारोबार भएको चाँदी आज २९५ रुपैयाँले बढेर ५ हजार १९५ रुपैयाँ पुगेको छ।
अन्तर्राष्ट्रिय बजारमा डलरको मजबुती र अन्य आर्थिक कारणहरूले गर्दा नेपाली बजारमा सुनचाँदीको मूल्य निरन्तर उकालो लागिरहेको विश्लेषण गरिएको छ ।
