काठमाडौँ । देशभरका मालपोत कार्यालयहरूबाट हुने सेवा प्रवाहको अवस्थालाई भूमि व्यवस्था, सहकारी तथा गरिबी निवारण मन्त्री प्रतिभा रावलले आफ्नै कार्यकक्षबाट नियमित रूपमा डिजिटल माध्यममार्फत अनुगमन गर्ने व्यवस्था मिलाइएको छ ।
मालपोत कार्यालयहरूमा बारम्बार ‘सर्भर डाउन’ हुने र सेवाग्राहीले सास्ती खेप्नुपरेको गुनासो बढेपछि मन्त्री रावलले प्रत्यक्ष निरीक्षणको प्रणाली कार्यान्वयनमा ल्याएकी हुन् ।
यस प्रणालीका मुख्य विशेषता र उद्देश्य:–
प्रत्यक्ष निगरानी: मन्त्रीले आफ्नो कार्यकक्षबाटै देशभरका कार्यालयको सेवा प्रवाहको अवस्था तत्काल (Real-time) हेर्न सक्ने।
समस्याको शीघ्र समाधान: सर्भर वा अन्य प्राविधिक समस्या आएमा तत्काल जानकारी लिई समाधानका लागि निर्देशन दिने।
पारदर्शिता र प्रभावकारिता: कर्मचारीको कार्यसम्पादन चुस्त बनाउने र सेवाग्राहीलाई हुने ढिलासुस्ती न्यूनीकरण गर्ने ।
यस प्रविधिमा आधारित अनुगमन प्रणालीले मालपोत प्रशासनलाई थप पारदर्शी, जवाफदेही र सेवाग्राहीमैत्री बनाउने अपेक्षा गरिएको छ ।
