खोटाङमा श्रम संस्कृति पार्टीको खाता खुल्यो: आरेन राई निर्वाचित

दिक्तेल (खोटाङ) । श्रम संस्कृति पार्टीले प्रतिनिधिसभा सदस्य निर्वाचन २०८२ मा आफ्नो पहिलो जित दर्ता गर्दै खाता खोलेको छ । खोटाङ निर्वाचन क्षेत्र नम्बर १ बाट सो पार्टीका उम्मेदवार आरेन राई निर्वाचित भएका हुन् ।

अन्तिम मतपरिणाम अनुसार राईले १६ हजार ६१२ मत प्राप्त गरी विजयी भएका हुन् । उनले आफ्ना निकटतम प्रतिस्पर्धी नेकपा एमालेका देवबिक्रम राईलाई ३ हजार ८९८ मतको अन्तरले पराजित गरे । एमालेका उम्मेदवारले १२ हजार ७१४ मत प्राप्त गरेका छन् ।

प्रमुख उम्मेदवारहरूको अन्तिम मत विवरण:

नयाँ शक्तिको उदय

खोटाङमा परम्परागत दलहरू नेपाली कांग्रेस र नेकपा एमालेलाई पछि पार्दै श्रम संस्कृति पार्टीको जित हुनुलाई राजनीतिक वृत्तमा अर्थपूर्ण रूपमा हेरिएको छ । कांग्रेसका वीरकाजी राई ११ हजार ९५७ मतका साथ तेस्रो स्थानमा रहे भने वामपन्थी बुद्धिजीवीका रूपमा चिनिएका हरि रोकाले ९ हजार ४४३ मत प्राप्त गरे ।

यसअघि अन्य क्षेत्रमा बलियो देखिएको राष्ट्रिय स्वतन्त्र पार्टी (रास्वपा) का उम्मेदवार रुद्र गिरी भने यहाँ ५ हजार ७०४ मतका साथ पाँचौँ स्थानमा खुम्चिएका छन् । निर्वाचन अधिकृतको कार्यालयले केही बेरमा नवनिर्वाचित राईलाई विजयी भएको आधिकारिक प्रमाणपत्र हस्तान्तरण गर्ने तयारी गरेको छ ।