

काठमाडौँ । नेपाली बजारमा सुनको मूल्यमा शुक्रबार भारी गिरावट आएको छ । नेपाल सुनचाँदी व्यवसायी महासंघका अनुसार सुनको मूल्य आज एकैदिन तोलामा १२ हजार २०० रुपैयाँले घटेको हो ।
हिजो बिहीबार प्रतितोला २ लाख ५७ हजार ६०० रुपैयाँमा कारोबार भएको सुनको मूल्य आज प्रतितोला २ लाख ४५ हजार ४०० रुपैयाँ कायम भएको महासंघले जनाएको छ ।
त्यसैगरी, आज चाँदीको मूल्य तोलामा २२५ रुपैयाँले घटेर प्रतितोला ३ हजार ११० रुपैयाँ कायम भएको छ । बिहीबार चाँदी प्रतितोला ३ हजार ३३५ रुपैयाँमा कारोबार भएको थियो ।
नेपालमा अन्तर्राष्ट्रिय बजारका आधारमा नेपालमा हसमा ६ दिन सुनचाँदीको मूल्य निर्धारण गर्ने गरिएको छ । आज अन्तर्राष्ट्रिय बजारमा सुन प्रतिऔंस ३ हजार ५२७.२२ अमेरिकी डलर र चाँदी ४१.३५ अमेरिकी डलरमा कारोबार भइरहेको छ ।