बैंकहरूको पर्यटन लगानी २ खर्ब २५ अर्ब नाघ्यो: इन्भेष्टमेन्ट मेगा अगाडि, माछापुच्छ्रेको ‘आक्रामक’ वृद्धि

काठमाडौँ । नेपालका वाणिज्य बैंकहरूले पर्यटन क्षेत्रमा गर्ने लगानीमा उत्साहजनक वृद्धि देखिएको छ। नेपाल राष्ट्र बैंकको तथ्याङ्कअनुसार गत वर्षको तुलनामा यस वर्ष माघ मसान्तसम्म पर्यटन क्षेत्रमा प्रवाह हुने कर्जा ४.१२ प्रतिशतले बढेको छ ।

२०८१ माघमा २० वटा वाणिज्य बैंकहरूले कुल २ खर्ब १६ अर्ब ७४ करोड रुपैयाँ पर्यटन क्षेत्रमा लगानी गरेका थिए। २०८२ माघसम्म आइपुग्दा यो आकार बढेर २ खर्ब २५ अर्ब ६६ करोड रुपैयाँ पुगेको छ ।

लगानीमा कुन बैंकको अवस्था कस्तो ?

पर्यटन क्षेत्रमा सबैभन्दा बढी लगानी गर्नेमा नेपाल इन्भेष्टमेन्ट मेगा बैंक देखिएको छ । सो बैंकले माघ मसान्तसम्म २३ अर्ब ५ करोड रुपैयाँ कर्जा प्रवाह गरेको छ । यस्तै, दोस्रोमा प्रभु बैंक (२२ अर्ब ३७ करोड) र तेस्रोमा प्राइम कमर्सियल बैंक (२१ अर्ब ८० करोड) रहेका छन् ।

प्रमुख बैंकहरूको लगानी अवस्था:

नीतिगत व्यवस्थाको प्रभाव

राष्ट्र बैंकले बैंक तथा वित्तीय संस्थाहरूलाई जारी गरेको सर्कुलरअनुसार कुल कर्जाको २० प्रतिशत हिस्सा पर्यटन, कृषि, ऊर्जा, र सूचना प्रविधि जस्ता प्राथमिकता प्राप्त क्षेत्रमा लगानी गर्नुपर्ने अनिवार्य व्यवस्था छ। सोही नीतिका कारण बैंकहरू पर्यटन क्षेत्रमा आकर्षित देखिएका हुन् ।

उत्साह र चुनौती

तथ्याङ्कअनुसार माछापुच्छ्रे, प्राइम र ग्लोबल आइएमई बैंकको लगानी विस्तार ‘आक्रामक’ देखिए पनि केही स्थापित बैंकहरूको लगानी भने खुम्चिएको छ। स्ट्याण्डर्ड चार्टर्ड बैंकको लगानीमा करिब ३० प्रतिशतको गिरावट आएको छ भने एनआइसी एसिया, कुमारी र लक्ष्मी सनराइज बैंकको लगानी पनि ओरालो लागेको देखिन्छ ।