

काठमाडौं । सरकारले चालु आवमा १ सय ८८ टोलीलाई ४८ वटा हिमाल आरोहणको अनुमति दिएर ३३ करोड ४२ लाख ३४ हजार २ सय २६ रुपैयाँ राजस्व सङ्कलन गरेको छ ।
मनास्लु आरोहणका लागि अनुमति लिएका ४३ टोलीका ५ सय जनाबाट २२ करोड ५८ लाख ५७ हजार १ सय ८९, धौलागिरि–१ आरोहणमा जाने ३७ जनाबाट ८४ लाख ७३ हजार ६ सय ५० र मकालु आरोहण गर्ने तीन आरोहीबाट ६ लाख ८८ हजार ५० रुपैयाँ राजस्व प्राप्त भएको हो ।
यसैगरी, हिम्लुङ आरोहण दलका १ सय ३० जनाबाट ७९ लाख ७४ हजार २० र आमादब्लम आरोहणका टोलीका ४ सय ७६ जना आरोहीले ७ करोड १३ लाख ४७ हजार १ सय रुपैयाँ सलामी दस्तुर राज्यकोषमा दाखिला गरेका छन् । रासस