काठमाडौँ । प्रभु बैंक लिमिटेडले आर्थिक वर्ष २०८१/८२ को शेयर स्वामित्व विवरण सार्वजनिक गरेको छ। जसअनुसार बैंकको ०.५ प्रतिशतभन्दा बढी शेयर हुने ठूला शेयरधनीको संख्या १२ रहेको छ ।
यो अवधिमा एशियन लाइफ इन्स्योरेन्सले बैंकमा आफ्नो लगानी थप विस्तार गरेको छ । इन्स्योरेन्सले आफ्नो स्वामित्व ४.९९ प्रतिशतबाट बढाएर ५.६३ प्रतिशत पुर्याएको छ, जुन बैंकका ठूला शेयरधनीमध्येकै सबैभन्दा बढी हो ।
प्रभु बैंकका मुख्य शेयरधनीहरू र उनीहरूको स्वामित्व:
| शेयरधनीको नाम | शेयर स्वामित्व (%) |
| एशियन लाइफ इन्स्योरेन्स | ५.६३ % |
| गौरव अग्रवाल | २.७१ % |
| कर्मचारी सञ्चय कोष | २.५३ % |
| प्रभु ग्रुप | ०.९९ % |
| मिजास भट्टचन | ०.८० % |
| सुदिप आचार्य | ०.६० % |
अन्य प्रमुख लगानीकर्ताहरू:
विवरण अनुसार ज्ञानु श्रेष्ठको ०.५८ प्रतिशत, राजेन्द्र भट्टचन र स्वरूप गुरुङको समान ०.५७ प्रतिशत तथा नेपाल इन्भेष्टमेन्ट प्रालिको ०.५२ प्रतिशत शेयर रहेको छ। त्यस्तै, शिवम सिमेन्टको ०.५१ प्रतिशत र सन नेपाल लाइफ इन्स्योरेन्सको ०.५० प्रतिशत स्वामित्व रहेको छ।
अम्बिका लामिछाने सूचीबाट बाहिरिइन्:
अघिल्लो आर्थिक वर्ष २०८०/८१ मा ०.६ प्रतिशत शेयर स्वामित्व रहेकी अम्बिका शर्मा लामिछाने यस वर्ष ठूला शेयरधनीको सूचीबाट बाहिरिएकी छिन् । उनको स्वामित्व अहिले ०.५ प्रतिशतभन्दा कम रहेको देखिएको छ ।
