काठमाडौँ । प्रधानमन्त्री सुशीला कार्कीले आज चौथो पटक मन्त्रिपरिषद् विस्तार गर्दै चार नयाँ मन्त्रीलाई सरकारमा समावेश गर्न लागेकी छन्। यस सूचीमा आईजीआई प्रुडेन्सियल इन्स्योरेन्स कम्पनीका संचालक तथा नेपाल प्रहरीका पूर्व सहायक निरीक्षक जनरल (एआइजीपी) राजेन्द्रसिंह भण्डारी पनि छन्।
भण्डारीलाई श्रम तथा रोजगार मन्त्रालयको जिम्मेवारी दिइने तयारी छ। उनका साथमा अन्य नयाँ मन्त्रीहरूमा श्रद्धा श्रेष्ठ, माधव चौलागाईं र कुमार इङ्नाम रहेका छन्।
श्रद्धा श्रेष्ठ – महिला तथा बालबालिका मन्त्रालय
माधव चौलागाईं – वन मन्त्रालय
कुमार इङ्नाम – भूमि व्यवस्था मन्त्रालय
भण्डारीले नेपाल प्रहरीमा १९८७ देखि २०१७ सम्म ३० वर्ष सेवा गरे। उनले मानव संशाधन विशेषज्ञको रूपमा संगठनात्मक क्षमता सुधारमा महत्त्वपूर्ण योगदान दिएका थिए। त्यसैगरी उनी राष्ट्रिय सुरक्षा परिषद्का सदस्य पनि रहिसकेका छन्।
व्यावसायिक क्षेत्रमा भण्डारी आईजीआई प्रुडेन्सियलमा बोर्ड अफ डाइरेक्टरको रूपमा सार्वजनिक सेयरधनीको प्रतिनिधित्व गर्दै आएका छन्। उनी २०८० फागुन २० गतेदेखि संचालक बनेका हुन्। साथै उनले विभिन्न राष्ट्रिय सम्मान र मेडल प्राप्त गरेका छन् र व्यावसायिक पुस्तक तथा लेख प्रकाशन गरेर प्रतिष्ठित विशेषज्ञको रूपमा स्थापित छन्।
नयाँ मन्त्रीहरूको शपथग्रहण समारोह आज दिउँसो ३ बजे शीतल निवासमा हुने तयारी छ। यस विस्तारले सरकारमा नयाँ ऊर्जा र अनुभवको समिश्रण ल्याउने विश्वास व्यक्त गरिएको छ।
