काठमाडौँ । समसामयिक राजनीतिक विषयमा छलफल गर्न प्रमुख तीन दलका शीर्ष नेताहरूको बैठक आज बस्दैछ। बैठक दिउँसो २ बजे प्रधानमन्त्री तथा मन्त्रिपरिषद्को कार्यालय, सिंहदरबारमा आयोजना हुने भएको हो।
बैठकमा प्रधानमन्त्री तथा नेकपा (एमाले) अध्यक्ष केपी शर्मा ओली, नेपाली कांग्रेसका सभापति शेरबहादुर देउवा, र नेकपा (माओवादी केन्द्र)का अध्यक्ष पुष्पकमल दाहाल ‘प्रचण्ड’ सहभागी हुनेछन्।
प्रधानमन्त्री ओलीको स्वकीय सचिवालयका सदस्य दीपेन्द्र दाहालका अनुसार, बैठकको एजेन्डा मुख्यतः हालको राजनीतिक अवस्था र सहमतिको सम्भावना जस्ता विषयमा केन्द्रित रहनेछ।
उनका अनुसार बैठक सुरुमा बुधबारका लागि तय गरिएको भए पनि माओवादी केन्द्रका अध्यक्ष दाहाल काठमाडौं बाहिर रहेका कारण आजका लागि सारिएको हो।
