काठमाडौँ । काठमाडौँका दुई छुट्टाछुट्टै स्थानमा बिहीबार दुई पुरुष मृत अवस्थामा फेला परेका छन् ।
काठमाडौँ महानगरपालिका–१७, धोबीचौरस्थित पब्लिक युथ क्याम्पस नजिकैको सडक पेटीमा अन्दाजी ६० वर्षीय एक पुरुष मृत फेला परेका हुन्। ती व्यक्तिको नाम, थर र ठेगाना अझै खुल्न सकेको छैन।
यसैगरी, कीर्तिपुर नगरपालिका–६ चोभारस्थित बागमती खोलामा पनि अर्का एक व्यक्तिको शव भेटिएको छ। अन्दाजी ३५ वर्षीय पुरुष मृत फेला परेको र उनको पनि पहिचान खुल्न बाँकी रहेको केन्द्रीय प्रहरी प्रवक्ता एवं प्रहरी नायब महानिरीक्षक (डीआईजी) अविनारायण काफ्लेले जानकारी दिए।
दुवै घटनाका सम्बन्धमा प्रहरीले आवश्यक अनुसन्धान सुरु गरिसकेको प्रवक्ता काफ्लेले बताए।
