(क)विविध सूचना/संदेश/जानकारी
१. घर-टहरा आदि संरचना बनाउनु अघि अनिवार्य रुपमा नक्सा पास गरौँ ।
२. सवै नगरवासीहरुले आफ्नो टोल, चोक गल्ली, वाटोघाटोका साथै सार्वजनिक जग्गा, मठ-मन्दिर, पाटी-पौवा, नदीनालाहरु र अन्यसार्वजनिक स्थलहरुको संरक्षण गरौं ।
३. सार्वजनिक स्थलहरुमा जथाभावी फोहर नगरौं । वातावरण जोगाऔं ।
४. नगरपालिकालाई वुझाउन पर्ने सवै खालका करहरु-सम्पति कर, वहाल कर, मालपोत तथा भूमिकर, व्यावसाय कर लगायत अन्य सवै किसिमका कर तथा दस्तुरहरु) समयमानै तिरी कर छुटको सुविधा उपयोग गरौँ र सभ्य नागरिकको परिचय दिऔं।
५. नगरपालिका क्षेत्र भित्र व्यवसाय गर्ने सवै प्रकारका व्यावसायीहरुले अनिवार्य रुपमा आफ्नो व्यावसाय वडा कार्यालय/ नगरपालिकामा अनिवार्य रुपमा दर्ता गरेर मात्र व्यवसाय संचालन गरौं ।
६. आफ्नो घर कम्पाउण्ड वाट निस्कने फोहोरलाई फोहोर संकलनको गाडी आएपश्चात मात्र फोहोर घर वाहिर निकालौं । स्वच्छ वातावरण निर्माणमा सहयोग गरौं ।
७. सडकमा निर्माण सामाग्री, व्यावसाय जन्य ठेलागाडा नराखौं; अव्यवस्थित पार्किङ् नगरी सडक अतिक्रमण हुनवाट रोकौं।
८. सडकमा पैदल यात्रीलाई पहिलो प्राथमिकता दिऔं ।
९. कुनै पनि किसिमको व्यक्तिगत घटनाहरु (जन्म, विवाह, वसाईसराई, सम्वन्ध विच्छेद र मृत्यू) घटना घटेको ३५ दिन भित्र वडा कार्यालयमा अनिवार्य रुपले दर्ता गर्ने गरौं ।
१०. नगरपालिकाको हरेक विकास निर्माणका कार्यहरुमा सवै नगरवासीले सहयोग गरौं ।
११. कुहिनेफोहोरलाई कम्पोष्ट मलको रुपमा प्रयोग गरौँ।
१२. बहालमा बस्ने व्यक्तिहरुको व्यक्तिगत विवरण अनिवार्य रुपमा घरधनीले राख्ने गरौं ।
१३. बालबालिकाहरुलाईविद्दुतीयसामाग्री देखि टाढा राखौं ।
१४. विद्यालय जाने सबै उमेरका वालवालिकाहरुलाई अनिवार्य विद्यालय भर्ना गरौँ ।
१५. घर, परिवार, टोल, विद्यालय र समुदायले बालबालिकाको हितमा कार्य गर्दै नगरलाई बालमैत्री बनाउन सहयोग गरौँ ।
१६. आफ्ना बालबालिकाहरुलाई उपयुक्त समयमा नै खोप लगाई सम्भावित रोगबाट बचौं । पूर्ण खोपयुक्त नगर बनाउन सहयोग गरौँ ।
१७. ट्राफिक सिग्नल र नियमको पालना गरौँ, तिब्र गतिमा सवारीसाधन नचलाऔँ, पैदलयात्रीलाई पहिलो प्राथमिकता दिऔँ ।
(ख) घटना दर्ता सम्बन्धी:
-घटना घटेको ३५ दिनभित्र सम्बन्धित वडा कार्यालयमा गई नि:शुल्क घटना दर्ता गरौँ । सबैको व्यक्तिगत घटना दर्ता अनलाईन गरौँ ।
-३५ दिन कटे पश्चात रू. ५०० शुल्क लाग्नेछ ।
-घटना दर्ता कसले गर्ने वा सूचक को हुने ?
-जन्म तथा मृत्यु दर्ता एका-परिवारको नागरिकता लिएको व्यक्ति
-विवाह दर्ता दुवै पति-पत्नी
-सम्बन्ध-विच्छेद -अदालतको निर्णय सहितको पति/पत्नी
-बसाई-सराईको हकमा एका-परिवारको नागरिकता लिएको व्यक्ति
घटना दर्ताले हुने फाईदाहरु:
-प्रमाणपत्रको कानूनी मान्यता हुने भएकोले जुन्सौक्कै अड्डा-अदालतमा प्रमाणको रुपमा पेश गर्न सकिने
-आमा, बाबु, उमेर, आदिको बैधानिक प्रमाण हुने स्कुलमा भर्ना हुनको लागि सजिलो पार्ने नागरिकता प्रमाणपत्र लिन सजिलो हुने
-नाता कायममा सहज हुने
-चल अचल सम्पति नामसारी गर्न सजिलो पर्ने
-पति पत्निविच वैधानिक सम्बन्ध कायम हुने
-जीवन विमा, पेन्सन, उपदान वा बैंकबाट रकम भुक्तानमा सुविधा हुने
-विदेश जानको लागि भिसा प्राप्त गर्न सुविधा हुने, आदि
(ग) सामाजिक सुरक्षा भत्ता:
-सा.सू.भत्ता ज्येष्ठ नागरिक, असहाय एकल महिला, लोपोन्मुख जाति, अपांगता भएका नागरिक तथा लक्षित बालबालिकालाई उपलब्ध गराईन्छ ।
-एक व्यक्तिले एक लक्षित समूहबाट मात्र भत्ता प्राप्त गर्न सक्दछन् । एउटै व्यक्तिले दोहोरो सुबिधा लिनु गैर कानूनी हो ।
-सार्वजनिक पदमा नियुक्त, निर्वाचित, मनोनित तथा निवृत्तिभरण पाईरहेको नागरिकलाई उपलब्ध हुँदैन र लिन पनि हुँदैन
(घ) वातावरण तथा विपद सम्बधि:
-बजार जांदा कपडाको झोला लिएर जाऔं, प्लास्टिक झोला प्रयोग नगरौं
-सकेसम्म कम प्याकेजिंग भएका वस्तुहरुको प्रयोग गरौँ
-कुने र नकुहिने फोहोरलाई छुट्टाछुट्टै भाडामा जम्मा गरौँ, कुहिने फोहोरलाई घरमै कम्पोष्ट बनाऔं
-जथाभावी फोहोर नफालौं, सकेसम्म समानलाई पुनः प्रयोग गर्ने बानि बसालौं
-प्रत्येक टोल विकास संस्थाहरुले साप्ताहिक रुपमा सरसफाइ कार्यक्रम गरी सबैलाई सहभागी बनाऔं
-नगर क्षेत्रभित्र हर्नको प्रयोग कम गरी ध्वनि प्रदुषणलाई निस्तेज गरौँ
-सडेगलेका, मिति पुगेका सामग्री वेचविखन गर्ने काम नगरौं
-पशु चौपाया खुला र छाडा नछोडौँ
-आगोजन्य विपदका घटना हुन नदिन सबैजना सतर्क होऔं
-घरमा आगोजन्य सामग्रीहरुको प्रयोग पछि राम्रोसंग व्यवस्थापन गरौँ
-ग्याँस सिलिन्डर र रेगुलेटरको समयसमयमा जाँच गरौँ, सिलिन्डर सुरक्षित र खुल्ला ठाउँमा राखौं
-पेट्रोल, डिजेल र मट्टीतेल जस्ता प्रज्वलनशील पदार्थ सुरक्षित स्थानमा भण्डारण गरौँ
-विद्दुतिय तार जाँच गरौँ, क्षमता भन्दा अधिक विद्दुतीय सामग्री प्रयोग नगरौं
-लाइटर, मैनबत्ति, सलाई जस्ता आगोजन्य समाग्री बालबालिकाको पहुँचबाट टाढा राखौं
(ङ) स्वास्थ्य:
-आफ्ना बालबालिकालाई नजिकको स्वास्थ्य संस्थामा गई निशुल्क खोप र भिटामिन दिऔं
-गर्भवती महिलाले नियमित गर्भ परिक्षण गरौँ
-खानेपानी उमालेरमात्र पिउने बानी बसालौ
-व्यक्तिगत सरसफाईमा ध्यान दिऔं
-२० वर्ष पुगेपछि मात्र विवाह गरौं
(च) शिक्षा:
-आफ्ना बालबालिकालाई अनिवार्य विद्यालय पठाऔँ
-आफ्ना बालबालिकालाई विद्यालय drop out लाई निरुत्साहित गरी शत प्रतिशत शाक्षर बनाऔँ
-विविध कारणले विद्यालय जान नसकेका व्यक्तिहरुले बैकल्पीक विधालयमा पठन-पाठन गरी साक्षर बनौँ
-बालश्रम मुक्त समाजको विकास गरौँ
(छ) आवास:
-घर-टहरा आदि संरचना बनाउनु अघि अनिवार्य रुपमा नक्सा पास गरौँ ।
-भवन मापदण्ड संहिता अनुसारमात्र घर निर्माण गरौँ
-सार्वजनिक स्थानको अतिक्रमण नगरौँ
-स्वीकृत बेगर घरको निर्माण नगरौं
-भूकम्प प्रतिरोधात्मक संरचना र आवास निर्माण गरौँ
