नेप्सेमा २ करोड ३९ लाख कित्ता बोनस शेयर सूचीकृत

काठमाडौँ । प्रतिनिधिसभा निर्वाचन र होली पर्वका कारण यो हप्ता दुई दिन मात्र कारोबार भएको नेपाल स्टक एक्सचेन्ज (नेप्से) मा ५ वटा कम्पनीको बोनस शेयर सूचीकृत भएको छ । विभिन्न क्षेत्रका यी कम्पनीहरूको कुल २ करोड ३९ लाख ८० हजार २३९ कित्ता बोनस शेयर सूचीकृत भएको हो ।

आइतबार सूचीकृत भएका कम्पनीहरू:-

साताको पहिलो दिन आइतबार तीनवटा कम्पनीको शेयर नेप्सेमा थपिएका थिए:

सोल्टी होटल लिमिटेड: १५ प्रतिशत बोनस बापत १ करोड ५३ लाख २८ हजार ९८५ कित्ता।

अपी पावर कम्पनी लिमिटेड: ५ प्रतिशत बोनस बापत ३० लाख ३७ हजार ९६३.९१ कित्ता।

भगवती हाइड्रोपावर: १४ प्रतिशत बोनस बापत ८ लाख ३२ हजार ९२६ कित्ता।

मंगलबार सूचीकृत भएका कम्पनीहरू

सोमबार होलीको सार्वजनिक बिदापछि मंगलबार थप दुई कम्पनीको शेयर सूचीकृत भए:

घोराही सिमेन्ट इन्डष्ट्रिज: १० प्रतिशत बोनस बापत ४५ लाख ६७ हजार ६८५.७० कित्ता।

हिमालयन लघुवित्त: ६.६५ प्रतिशत बोनस बापत २ लाख १२ हजार ६७९.०५ कित्ता।

निर्वाचन र चाडपर्वका कारण यो हप्ता बजारमा सीमित कारोबार भए पनि बोनस शेयर सूचीकरणले दोस्रो बजारमा शेयरको आपूर्ति बढाएको छ। अब यी शेयरहरू लगानीकर्ताको डिम्याट खातामा आएपछि कारोबारका लागि योग्य हुनेछन् ।