काठमाडौँ । आज आइतबार नेपाली बजारमा सुनचाँदीको भाउमा उल्लेख्य गिरावट आएको छ । नेपाल सुनचाँदी व्यवसायी महासंघका अनुसार आज छापावाल सुनको मूल्य तोलामा ४ हजार ८ सय रुपैयाँ ले घटेको हो ।
घटेको मूल्यसँगै आज छापावाल सुन तोलाको २ लाख ५३ हजार २ सय रुपैयाँ मा कारोबार भइरहेको छ ।
यसअघि, गत शुक्रबार छापावाल सुन २ लाख ५८ हजार रुपैयाँमा कारोबार भएको थियो ।
चाँदीको भाउ पनि घट्यो
आज चाँदीको भाउ पनि घटेको छ । शुक्रबार तोलाको ३ हजार ३५० रुपैयाँ रहेको चाँदीको मूल्य आज ७५ रुपैयाँ ले घटेर ३ हजार २७५ रुपैयाँ मा कारोबार भइरहेको छ ।
