नेप्से परिसूचकमा दोहोरो अङ्कको गिरावट

बिजनेश भ्युज संवाददाता

२०८२ जेष्ठ २८, बुधबार

१३.६९ अङ्कले घटेर २६६४.४७ विन्दुमा कायम, ९ अर्ब ९० करोडको कारोबार

काठमाडौँ । नेपाल स्टक एक्सचेञ्ज (नेप्से) परिसूचकमा आज दोहोरो अङ्कको गिरावट देखिएको छ। कारोबार अवधिभर निरन्तर घट्दो ट्रेन्ड कायम रहँदा नेप्से १३.६९ अङ्कले घटेर २,६६४.४७ विन्दुमा झरेको हो ।

साथै, बजारका अन्य सूचकहरू पनि घटेका छन्। सेन्सेटिभ इण्डेक्स ०.६८ अङ्क, फ्लोट इण्डेक्स ०.७३ अङ्कले घटेका छन् भने सेन्सेटिभ फ्लोट इण्डेक्स ०.१२ अङ्कले भने बढेको देखिएको छ।

आज (बुधबार) ३०७ कम्पनीको दुई करोड २० लाख ७५ हजार ७६९ कित्ता शेयर ८१ हजार ७०३ पटक कारोबार भएको छ। कुल कारोबार रकम रु ९ अर्ब ९० करोड ७० लाख ५ हजार ५७५.०८ मा पुगेको छ ।

दुई दिनको लगातार उकालो लगेको बजार आज सामान्य समायोजनमा गएको देखिन्छ। जलविद्युत समूहको निरन्तर आकर्षण र केही कम्पनीमा सर्किट लाग्नुले बजारमा अझै आशावाद कायम रहेको सङ्केत गर्छ। यद्यपि, समग्र सूचकको गिरावटले लगानीकर्तामा सतर्कता आवश्यक रहेको देखिन्छ।

समूहगत उपसूचकमा सामान्य गिरावट

आजको कारोबारमा जलविद्युत् समूह एक मात्र हरियो देखिएको छ । यो समूह १.१३ प्रतिशतले उकालो लागेको हो। बाँकी सबै समूहहरूमा गिरावट देखिएको छ । धेरै घट्नेमा वित्त, होटल तथा पर्यटन र अन्य रहेका छन् ।

उपसमूहगत सूचक परिवर्तन

१३ उपसमूहमध्ये११ उपसमूहको सूचक घट्यो

१ उपसमूह (जलविद्युत) को सूचक १ प्रतिशतभन्दा बढीले बढ्यो

म्युचुअल फन्ड उपसमूहको सूचक स्थिर

कारोबार रकममा गिरावट

हिजाे मंगलबारको तुलनामा आज बुधबार कारोबार रकममा समेत गिरावट आएको छ।

मंगलबारको कारोबार: रु १० अर्ब १६ करोड

बुधबारको कारोबार: रु ९ अर्ब ९० करोड ७० लाख ५ हजार

कुल शेयर कारोबार: २ करोड २० लाख ७५ हजार कित्ता

कुल कारोबार संख्या: ८१ हजार ७०३ पटक

कम्पनी संख्याः ३०७

सर्किट लाग्ने कम्पनीहरू