काठमाडौँ । सरकारले विभिन्न जिल्लाका ९ स्थानमा नयाँ इलाका प्रशासन कार्यालय स्थापना गर्ने निर्णय गरेको छ । शुक्रबार बसेको मन्त्रिपरिषद् बैठकले गृह प्रशासनलाई थप सुदृढ बनाउन र नागरिकलाई सहज सेवा दिन यस्तो निर्णय गरेको हो ।
सरकारका प्रवक्ता एवं सञ्चारमन्त्री जगदीश खरेलका अनुसार बैठकले गरेका मुख्य निर्णयहरू यस प्रकार छन्:
स्थानमा नयाँ इलाका प्रशासन कार्यालय
गृह मन्त्रालय अन्तर्गतको सङ्गठन संरचना र दरबन्दी तेरिज स्वीकृत गर्दै निम्न स्थानमा इलाका प्रशासन कार्यालय स्थापना गरिने भएको छ:
ताप्लेजुङ: श्रीजंघा
डोल्पा: धो
मुगु: खत्याड
कालीकोट: रास्कोट
बाजुरा: कोल्टी
डोटी: बीपीनगर
दार्चुला: गोकुलेश्वर
बैतडी: मेलौली
सङ्खुवासभा: हेदाङगढी
बैठकले नागरिकता वितरण प्रक्रिया र श्रम रोजगारका क्षेत्रमा रहेका प्रशासनिक झन्झट हटाउन आवश्यक कानुनी तथा संरचनागत सुधार गर्ने निर्णय गरेको छ । यस्तै कृषि क्षेत्रको प्रवर्द्धनका लागि सरकारले औपचारिक रूपमा ‘राष्ट्रिय च्याउ दिवस’ मनाउने निर्णय गरेको छ।गृह मन्त्रालयको नयाँ सङ्गठन संरचना र कार्यबोझ अनुसारको दरबन्दी तेरिजलाई बैठकले स्वीकृति प्रदान गरेको छ ।
