उदयपुर सिमेन्टमा साढे ४६ करोडको ‘क्लिङ्कर घोटाला’: दुई पूर्वमहाप्रबन्धकसहित ८ विरुद्ध भ्रष्टाचार मुद्दा

काठमाडौँ । सरकारी स्वामित्वको उदयपुर सिमेन्ट उद्योग लिमिटेडमा भएको साढे ४६ करोड रुपैयाँ बराबरको क्लिङ्कर हिनामिना प्रकरणमा अख्तियार दुरुपयोग अनुसन्धान आयोगले आइतबार विशेष अदालतमा भ्रष्टाचार मुद्दा दायर गरेको छ।

अख्तियारले उद्योगका तत्कालीन दुई महाप्रबन्धकसहित ८ जना कर्मचारीलाई प्रतिवादी बनाउँदै मुद्दा दर्ता गरेको हो।

मुख्य प्रतिवादी र बिगो दाबी:

सुरेन्द्र कुमार पौडेल (तत्कालीन महाप्रबन्धक) र महेश प्रसाद काफ्ले (नायव महाप्रबन्धक): जनही १२ करोड ४७ लाख २२ हजार २४२ रुपैयाँ बिगो दाबी।

अन्य ६ कर्मचारी: तत्कालीन निमित्त महाप्रबन्धक नवल किशोर साह, सञ्जय कुमार लाल, महेश प्रसाद साह, रवीचन्द्र पौडेल, हरि प्रसाद अधिकारी र राम बहादुर जी.सी. विरुद्ध जनही ४६ करोड ५२ लाख ७४ हजार ४२६ रुपैयाँ बिगो दाबी गरिएको छ।

के हो घोटाला प्रकरण ?

अख्तियारको अनुसन्धान अनुसार आर्थिक वर्ष २०७४/०७५ देखि २०७७ पुस मसान्तसम्ममा कुल ३८,७६९ मेट्रिक टन क्लिङ्कर हिनामिना भएको छ । कागजी रेकर्डमा मौज्दात बढी देखाउने तर वास्तविक भण्डारणमा कम राखी सरकारी सम्पत्ति मास्ने बदनियत राखिएको अभियोग पत्रमा उल्लेख छ ।

उद्योगको प्राविधिक पक्षमा भएको बदमासीलाई औँल्याउँदै मन्त्रालयको छानबिन प्रतिवेदनले भनेको छ— “क्लिङ्कर र चुनढुङ्गाको उत्पादन अनुपात सामान्यतया 0.725 हुनुपर्नेमा सेटिङ मार्फत उक्त अनुपात घटाएर 0.649 सम्म पुर्‍याई क्लिङ्कर गायब पारिएको थियो ।”

वर्षगत हिनामिनाको भयावह चित्र: