आत्मनिर्भर लघुवित्तसहित तीन कम्पनीमा सकारात्मक सर्किट
काठमाडौँ । साताको पहिलो कारोबार दिन आइतबार (कार्तिक २ गते) नेपाल स्टक एक्सचेन्ज (नेप्से) परिसूचक बढेर बन्द भएको छ । यसअघि लगातार तीन कारोबार दिन घटेको नेप्से आज १६.६७ अंकले वृद्धि भई २५०३.८५ बिन्दुमा पुगेर रोकिएको छ ।
यसदिन कुल ३२३ स्टकको कारोबार भएको छ । यद्यपि, नेप्से बढे पनि कारोबार रकममा भने गिरावट आएको छ । आज कुल २ अर्ब ७९ करोड ११ लाख ८९ हजार रुपैयाँ बराबरको ६१ लाख ९९ हजार ९ सय कित्ता शेयर कारोबार भएको छ ।
यसअघि बिहीबार (अघिल्लो कारोबार दिन) नेप्से १८.४० अंकले घटेर २४८७.१७ अंकमा बन्द हुँदा ३ अर्ब २७ करोड ५४ हजार रुपैयाँ बराबरको कारोबार भएको थियो । यस हिसाबले अघिल्लो कारोबारको तुलनामा आज कारोबार रकम घटेको छ ।
उपसूचक र सर्किट लागेका कम्पनीहरू:-
यसदिन सेन्सेटिभ इन्डेक्स २.१३ अंक, फ्लोट इन्डेक्स ०.९८ अंक र सेन्सेटिभ फ्लोट इन्डेक्स ०.७२ अंकले बढेका छन्।
आजको कारोबारमा तीन कम्पनीको शेयर मूल्यमा सकारात्मक सर्किट लागेको छ:-
आत्मनिर्भर लघुवित्त वित्तीय संस्था लिमिटेड: यसको शेयर मूल्य प्रतिकित्ता ६०९.९० रुपैयाँले बढेर ६७१० रुपैयाँमा अन्तिम कारोबार भएको छ।
हिमालयन पावर पार्टनर लिमिटेड
भगवती हाइड्रोपावर डेभलपमेन्ट कम्पनी लिमिटेड
कारोबार भएकोमध्ये हिमालयन ८०–२० को शेयर मूल्य सबैभन्दा धेरै प्रतिकित्ता ६.१० प्रतिशतले घटेर १० रुपैयाँमा कारोबार भएको छ ।
आज सबैभन्दा धेरै कारोबार हुने (टप टर्नओभर) कम्पनीहरूमा नेपाल रिइन्स्योरेन्स कम्पनी, हिमालयन डिस्टीलरी लिमिटेड र युनियन हाइड्रोपावर लिमिटेड रहेका छन् ।
