काठमाडौँ । स्वावलम्बन लघुवित्त वित्तीय संस्था लिमिटेडले नयाँ नेतृत्व पाएको छ। संस्थाको अध्यक्ष पदमा बेचन गिरी नियुक्त भएका छन्।
यसरी भयो नियुक्ति: संस्थाकी निवर्तमान अध्यक्ष सुमित्रा गुरुङको पदावधि पुस १५ गते (हिजो) सकिएपछि यो पद रिक्त भएको थियो। रिक्त पद पूर्ति गर्न आज (पुस १६ गते) बिहान ७:१५ बजे बसेको सञ्चालक समितिको बैठकले गिरीलाई अध्यक्ष चयन गर्ने निर्णय गरेको हो।
सञ्चालक समितिमा नयाँ सदस्यहरू: अध्यक्षसँगै सञ्चालक समितिमा अन्य दुई सदस्यहरू पनि थपिएका छन्। नयाँ सञ्चालकका रूपमा गोकुल प्याकुरेल र जयेन्द्र विक्रम शाह नियुक्त भएको कम्पनी सचिव चन्द्रमणि चौलागाईले जानकारी दिएका छन्।
