नेपाल राष्ट्र बैंकमा दुई डेपुटी गभर्नरको पद रिक्त: १८ कार्यकारी निर्देशक दौडमा

काठमाडौँ । नेपाल राष्ट्र बैंकका दुई डेपुटी गभर्नरहरू नीलम ढुंगाना र बमबहादुर मिश्रले आफ्नो ५ वर्षे कार्यकाल पूरा गरी आज (फागुन २४ गते) देखि अनिवार्य अवकाश पाएका छन् । २०७७ फागुन २५ गते नियुक्त भएका उनीहरूको बहिर्गमनसँगै केन्द्रीय बैंकमा दोस्रो वरीयताका दुवै पद रिक्त भएका हुन् ।

नियुक्ति प्रक्रिया र योग्यता

नेपाल राष्ट्र बैंक ऐनअनुसार, डेपुटी गभर्नर पदमा नियुक्त हुनका लागि राष्ट्र बैंककै कार्यकारी निर्देशक (Executive Director) पदमा कार्यरत हुनुपर्ने अनिवार्य व्यवस्था छ ।

नियुक्ति कसरी हुन्छ ?

१. गभर्नरले बहालवाला कार्यकारी निर्देशकहरूमध्येबाट कार्यक्षमताका आधारमा रिक्त पदको दोब्बर संख्या (अर्थात् ४ जना) को नाम सिफारिस गर्छन् ।

२. गभर्नरको सिफारिसका आधारमा मन्त्रिपरिषद्ले दुई जनालाई डेपुटी गभर्नरमा नियुक्त गर्नेछ।

प्रतिस्पर्धामा रहेका १८ कार्यकारी निर्देशकहरू

हाल राष्ट्र बैंकमा कार्यरत १८ जना कार्यकारी निर्देशकहरू नै डेपुटी गभर्नरका लागि सम्भावित उम्मेदवार हुन् । उनीहरूको नामावली यसप्रकार छ:

दुई पद रिक्त भएसँगै गभर्नर विश्व पौडेलले चाँडै नै चार जना योग्य कार्यकारी निर्देशकहरूको नाम सरकारलाई सिफारिस गर्ने तयारी गरेका छन् । नयाँ नियुक्त हुने डेपुटी गभर्नरहरूले मौद्रिक नीति कार्यान्वयन, बैंक तथा वित्तीय संस्थाको नियमन र सुपरिवेक्षण जस्ता महत्त्वपूर्ण विभागहरूको नेतृत्व सम्हाल्नेछन् ।